Ukrayna Prezidenti Volodimir Zelenski beynəlxalq tərəfdaşlarla, eləcə də Rusiya nümayəndələri ilə danışıqlar prosesində iştirak edəcək Ukrayna nümayəndə heyətinin tərkibini təsdiqləyib.

“Report” xəbər verir ki, bu barədə Ukrayna KİV-i prezidentin imzaladığı müvafiq fərmana istinadən məlumat yayıb.

Bununla yanaşı, dövlət başçısı Rusiya ilə danışıqlarda iştirak edəcək Ukrayna nümayəndə heyətinin tərkibini 12 nəfərdən 14 nəfərə qədər genişləndirib.

İyulun 23-də İstanbulda keçirilməsi planlaşdırılan Ukrayna və Rusiya nümayəndə heyətlərinin görüşündə Ukrayna nümayəndə heyətinə Milli Təhlükəsizlik və Müdafiə Şurasının katibi başçılıq edəcək.

Bundan əvvəl V.Zelenski yeni əsir mübadiləsinə hazırlıq getdiyini, görüşün gündəliyinin və Ukrayna üçün əsas mövzuların razılaşdırıldığını bildirib.

Oxşar xəbərlər

Rusiya ilə danışıqlarda Ukrayna nümayəndə heyətinə Umerov rəhbərlik edəcək

Zelenski Rusiya ilə danışıqlar üçün Ukrayna nümayəndə heyətinin tərkibini təsdiqləyib

Zelenski Rusiya ilə danışıqlar üzrə nümayəndə heyətinin tərkibini genişləndirib

Zelenski: Rusiya ilə İstanbul danışıqlarında Ukraynanı müdafiə naziri təmsil edəcək

Ukrayna Prezidenti: Rusiya İstanbulda planlaşdırılan danışıqlara ciddi yanaşmayıb