Türkiyə çoxsəviyyəli hava hücumundan müdafiə (HHM) sistemi kompleksi yaratmalıdır, çünki bütün ehtiyacları təmin etmək üçün təkcə Rusiyanın S-400 zenit-raket kompleksləri kifayət etmir.

“Report” "Anadolu" agentliyinə istinadən xəbər verir ki, bunu Türkiyə Prezidenti Rəcəb Tayyib Ərdoğan NATO sammitinin keçirildiyi Haaqadan qayıtdıqdan sonra jurnalistlərə bildirib.

"Hava hücumundan müdafiə sistemi təkcə S-400-lə məhdudlaşmır. Biz çoxsəviyyəli HHM sistemi kompleksi yaratmalıyıq", - o qeyd edib.

R.T.Ərdoğanın sözlərinə görə, Türkiyə raket silahlarında əhəmiyyətli irəliləyişə nail olub, lakin bu kifayət deyil.

"Biz birləşmiş sistem, "Polad günbəz" qururuq. Biz öz gücümüzlə hazırladığımız müxtəlif yüksəkliyə malik HHM sistemlərini, sensorları, radioelektron mübarizə sistemlərini birləşdiririk", - prezident qeyd edib.

Oxşar xəbərlər

Türkiyə istənilən xarici təhdidin qarşısını almaq üçün yeni hərbi platformalar yaradır

Türkiyə süni intellektdən istifadə ilə milli “Dəmir günbəz” HHM sistemi yaradacaq

Kanada Ukraynaya NASAMS HHM sistemi verdiyini təsdiqləyib

Çin dronlara qarşı yeni zenit-raket-top kompleksi hazırlayıb

Norveç 240 milyon dollarlıq hava hücumundan yeni müdafiə sistemləri alacaq