Gürcüstan parlamenti Giorgi Qvarakidzeni ölkənin Baş prokuroru vəzifəsinə təsdiqləyib.

"Sizinxeber.az"un Gürcüstan bürosu xəbər verir ki, bu barədə "aktual.ge" məlumat yayıb.

Məlumata görə, namizədin təsdiqlənməsi parlamentin bu gün keçirilən plenar iclasında səsverməyə çıxarılıb. Qvarakidzenin lehinə 83 deputat səs verib, əleyhinə səs verən olmayıb.

Səsvermədən öncə Giorgi Qvarakidze Hüquqi Məsələlər Komitəsinin iclasında iştirak edib. O, prokurorluğun əsas prioritetləri, qarşıda duran çağırışlar və fəaliyyət planları ilə bağlı çıxış edib.

Xatırladaq ki, onun namizədliyi 18 iyun tarixində Gürcüstanın Prokurorluq Şurası tərəfindən səs çoxluğu ilə irəli sürülmüşdü.

Oxşar xəbərlər

ABŞ-nin yeni baş prokuroru təsdiqlənib

Gürcüstanın təhsil, elm və gənclər naziri istefa verib

Gürcüstan parlamenti yeni hökumətə etimad göstərib