İkinci Dünya müharibəsindən bəri ilk dəfə olaraq Yaponiya təxminən 1400 nəfərlik döyüş bölmələrini Filippin ərazisinə göndərib.

Axar.az Globalinfo.az-a istinadən xəbər verir ki, bu, ABŞ-la Filippin arasında keçirilən və tarixdə ən iri birgə manevrlər sayılan “Balikatan 2026” təlimləri çərçivəsində baş verib.

Yaponiyanın Quru Özünümüdafiə Qüvvələrinin hərbçiləri Şimali İlokos vilayətindən “Type 88” gəmiəleyhinə raketlərini buraxaraq “BRP Quezon” gəmisini sahildən təxminən 50–75 km məsafədə batırıblar. Bu, həmin raket sisteminin Yaponiyanın hüdudlarından kənarda ilk dəfə olaraq tətbiqi kimi qiymətləndirilir.

Təlimlərə ABŞ və Avstraliya qüvvələri də qoşulub. Manevrlər Cənubi Çin dənizində mümkün dəniz desantının qarşısının alınmasını simulyasiya edir. Çin artıq bu addımları pisləyərək, Yaponiyanın “odla oynadığı”nı bəyan edib.

Təlimlər aprelin 20-dən mayın 8-dək davam edəcək və yeddi ölkədən təxminən 17 min hərbçi iştirak edir.

Oxşar xəbərlər

Yaponiya və ABŞ 45 min hərbçinin iştirakı ilə təlimlərə başlayıb

Yaponiya, ABŞ və Filippin birgə dəniz təhlükəsizliyini müzakirə edəcəklər

ABŞ Çinə qarşı hərbi təlimlərə başladı

Yaponiya İkinci Dünya müharibəsindən bəri ilk dəfə silah ixracı qaydalarını yumşaldacaq