Bu gecə və sabahkı vəziyyət Ukraynanın gələcək hərəkətlərini müəyyən edəcək. Rusiya Ukraynaya zərbələr endirməyə davam edərsə, Ukrayna ordusu da eyni şəkildə cavab verəcək.

Axar.az xəbər verir ki, bunu Ukrayna Prezidenti Vladimir Zelenski deyib.

“Hər bir dövlətə Rusiyaya etdiyimiz təklifi - tam atəşkəs elan etmək üçün dəstəkləyən hər bir liderə təşəkkür etmək istəyirəm. Bu gün görürük ki, Rusiya atəşkəs təklifimizə yalnız yeni zərbələr, yeni hücumlarla cavab verir”, - deyə Zelenski vurğulayıb.

Qeyd edək ki, Rusiyanın Müdafiə Nazirliyi Prezident Vladimir Putinin Qələbə Günü münasibətilə mayın 8-ni və 9-unu Ukrayna ilə birtərəfli atəşkəs barədə əmr verdiyini açıqlayıb. Bu addım Ukrayna ilə koordinasiya edilmədən atılıb. Bununla yanaşı, bayram tədbiri hücumlarla pozulacağı təqdirdə, Kiyevin mərkəzinə raket zərbəsinin endiriləcəyi diqqətə çatdırılıb.

Ukrayna Prezidenti Vladimir Zelenski isə Teleqram səhifəsində daha erkən - mayın 5-dən 6-na keçən gecədən (00:00-dan) Ukrayna tərəfdən atəşkəs olacağını elan etmişdi.

Oxşar xəbərlər

Zelenski Putinin atəşkəs təklifinə münasibət bildirib

Zelenski: Ukrayna Rusiyaya enerji atəşkəsi təklif edir

Zelenski: Ukrayna Rusiyanın mayın 9-da atəşkəs təklifini öyrənir

Zelenski: Ukrayna Pasxadan sonra da Rusiya ilə atəşkəsin uzadılmasına hazırdır

Ukrayna XİN başçısı: Zelenski və Putinin görüşü hazırlanır