Bu gün səhər Ukrayna Silahlı Qüvvələri HIMARS raketləri ilə Sudja qaz ölçmə stansiyasına iki dəfə zərbə endirib.

Sizinxeber.az-nın Moskva müxbiri xəbər verir ki, bu barədə Rusiya Müdafiə Nazirliyi məlumat yayıb.

Bildirilib ki, raket zərbəsi nəticəsində qaz ölçmə stansiyası faktiki olaraq məhv edilib.

"Həmçinin bu gün Ukrayna PUA-larla Saratov Neft Emalı Zavoduna hücum etməyə cəhd edib, 19 dron vurulub.

Ukrayna Silahlı Qüvvələrinin artilleriya atəşinə tutulması səbəbindən cümə axşamı Belqorod vilayətində elektrik enerjisi kəsilib", - Rusiya MN-nin məlumatında qeyd olunub.

Hərbi nazirlik Ukrayna prezidenti Volodimir Zelenskinin Rusiyanın enerji obyektlərinə hücumların dayandırılması ilə bağlı bəyanatlarını cəbhənin dağılmasının qarşısını almaq və Avropanın köməyi ilə hərbi potensialı bərpa etmək üçün hiylə adlandırıb.

Oxşar xəbərlər

Rusiya Ukraynaya kütləvi raket zərbəsi endirib

Rusiya Ukrayna hərbi aerodromlarına və dron anbarlarına zərbə endirib

Rusiya Ukrayna aerodromlarına "Kinjal" raketləri ilə zərbə endirib

Rusiya ordusu Ukraynanın qaz və enerji infrastrukturuna zərbə endirib

Rusiya MN: Ukrayna Belqorod şəhərini kasetli mərmiləri olan raketlərlə vurub