Venesuelalı müxalifətçi, Nobel Sülh Mükafatı laureatı Mariya Korina Maçadonun ölkəyə qayıtmaq üçün ABŞ-dan etdiyi müraciət Vaşinqton tərəfindən rədd edilib.

Bu barədə "The New York Times" qəzeti mənbələrə istinadən məlumat yayıb.

Məlumata görə, 2025-ci ildə Nobel Sülh Mükafatını almaq üçün Venesuelanı tərk edən Maçado zəlzələdən zərərçəkənlərə yardım göstərmək məqsədilə ölkəsinə qayıtmaq istədiyini ABŞ administrasiyasına bildirib. Lakin Donald Tramp administrasiyası onun müraciətini rədd edərək, artıq maneəyə çevrildiyini qeyd edib.

Nəşrin yazdığına görə, Ağ Ev Venesuela ilə münasibətlərdə sabitliyi və mövcud hakimiyyətlə əməkdaşlığı üstün tutur. ABŞ rəsmiləri Maçadoya sakit qalmağı tövsiyə etsələr də, o bu məsləhətə əməl etməyib.

Nəşr qeyd edir ki, Maçado ötən həftəsonu Kurasao üzərindən Venesuelaya daxil olmağa cəhd edib. Lakin adanın xarici siyasətinə cavabdeh olan Niderland hakimiyyəti ABŞ-ın dəstəyi olmadan onun əraziyə girişinə icazə verməyib.

Oxşar xəbərlər

Venesuela vətəndaşlarına ABŞ-ı tərk etməyi tövsiyə edib

"Nobel" Sülh mükafatının laureatı məlum olub

Nobel mükafatı laureatı Mario Varqas Lyosa vəfat edib

İqtisadiyyat üzrə Nobel mükafatının laureatları məlum olub

KİV: Avropa Ukraynaya 25 min hərbçi göndərə bilməyəcək