Kreml Ermənistan parlamentinin Avropa İttifaqına üzvlük haqqında qanun layihəsini birinci oxunuşda təsdiqləməsinə münasibət bildirib.

APA-nın Moskva müxbiri xəbər verir ki, Rusiya prezidentinin mətbuat katibi Dmitri Peskov bunu Ermənistanın suveren hüququ adlandırıb.

“Göründüyü kimi, Ermənistanda müəyyən siyasi qüvvələr var ki, Avropa İttifaqına istiqamətlənməni ölkənin özü və xalqının maraqları üçün əlavə dividendlər verəcəyini hesab edir. Bu, Ermənistanın suveren hüququdur. Amma təbii ki, ermənilərin özləri və bütün hər kəs bunun nə dərəcədə qarşılıqlı istək olduğunu araşdırmalı olacaq. Avropalıların özləri buna necə baxırlar? Biz uzun gözləmə siyahısına salınmış bir çox ölkələrin təcrübəsini bilirik. Onilliklərlə ölçülən növbə... Hələlik biz Ermənistanın Avrasiya İqtisadi İttifaqına üzvlüyündən dividendlər almağa davam etdiyindən çıxış edirik. Bu dividendlər göz önündədir”, - Kremlin sözçüsü vurğulayıb.

Oxşar xəbərlər

Kreml Ermənistanın həm Aİ, həm də Aİİ-nin tərkibində ola biləcəyinə şübhə ilə yanaşır

Kreml: ABŞ Cənubi Qafqazda destabilləşdirici rol oynayır

Rəsmi Moskva: İrəvanın Aİ-yə qoşulması haqqında müzakirəni onun Aİİ-dən çıxmasının başlanğıcı kimi qiymətləndiririk

Rəsmi Moskva İrəvanın Aİ-yə qoşulması haqqında müzakirəni onun Aİİ-dən çıxmasının başlanğıcı kimi qiymətləndirir

Peskov: Kreml Moldova və Gürcüstandakı seçkilərə müdaxilə etməyə çalışmır