Rusiya prezidenti Vladimir Putinin səfəri kontekstində Monqolustanın Beynəlxalq Cinayət Məhkəməsinə üzvlüyü ilə bağlı Kremldə heç bir narahatlıq yoxdur.

APA-nın Moskva müxbiri xəbər verir ki, bunu Rusiya prezidentinin mətbuat katibi Dmitri Peskov bildirib.
Jurnalistlərin Monqolustanın BCM-nin yurisdiksiyasını tanıması ilə bağlı Kremldə hər hansı narahatlığın olub-olmaması ilə bağlı sualına Putinin sözçüsü belə cavab verib:

“Xeyr, narahatçılıq yoxdur. Monqolustan dostlarımızla əla dialoqumuz var", - Peskov qeyd edib.

Peskovdan “BCM-nin Putinin həbsi ilə haqqında verdiyi orderlə bağlı” Monqolustan hakimiyyəti ilə danışıqların olub-olmaması da soruşulub. “Əlbəttə, səfərin bütün aspektləri diqqətlə hazırlanıb”, - deyə Kremlin rəsmi nümayəndəsi cavab verib.

Qeyd edək ki, Rusiya liderinin sentyabrın 3-də Monqolustana rəsmi səfər edəcəyi, burada Sovet və Monqolustan silahlı qüvvələrinin “Xalxın-Qol” çayında yapon militaristləri üzərində birgə qələbəsinin 85-ci ildönümünə həsr olunmuş təntənəli tədbirlərdə iştirak edəcəyi gözlənilir.

Oxşar xəbərlər

Kreml: Putinin Türkiyəyə səfər tarixi hələ razılaşdırılmayıb

Peskov: Ukrayna ilə danışıqlar mövzusu aktuallığını itirib

Putinin sözçüsü: Bayden özünü “Hollivud kovboyu” tərzində aparmağa çalışır - YENİLƏNİB

Peskov: Kremldə "Telegram"dan xidməti məqsədlər üçün istifadə edilmir

Kreml: Durovla nə danışıqlar olub, nə də razılaşma var