Kreml Rusiyada yaşayan 100 min ermənini Paşinyana əleyhinə səs verməyə göndərmək istəyir.

Bu barədə "Reuters" dörd mənbəyə istinadən məlumat verir.

Bildirilib ki, son aylarda Rusiya rəsmiləri Rusiyada yaşayan Ermənistan vətəndaşlarının parlament seçkilərində hazırkı Baş nazir Nikol Paşinyanın rəqiblərinə səs vermələri üçün vətənlərinə göndərilməsi planını müzakirə ediblər.

Agentliyin mənbələrinə görə, Rusiya hakimiyyəti 100 min seçicinin daşınmasının xərcini təxminən 50 milyon dollar qiymətləndirib. May ayının ortalarına qədər Kreml Rusiya regionları arasında kvotaları - hər birindən göndəriləcək ermənilərin sayını - bölüşdürüb və yerli hakimiyyət orqanlarından hazırlıqları barədə hesabat vermələrini tələb edib.

Reuters jurnalistləri bu planın həyata keçirildiyini və ya bu sayda seçicinin seçkilərdə əsas namizədlər arasındakı fərqi aradan qaldırmaq üçün kifayət edib-etməyəcəyini müəyyən edə bilməyiblər.

Qeyd edək ki, iyunun 7-də Ermənistanda parlament seçkiləri keçiriləcək.

Oxşar xəbərlər

Kreml Paşinyanın KTMT ilə bağlı ittihamlarına cavab verib

Kreml: Rusiya Ukrayna ilə İstanbul danışıqlarına hazırlaşır

Kreml Paşinyanın Rusiya ilə əlaqələri bərpa etmək barədə göstərişinə dair məlumatlara münasibət bildirib

Belarus vətəndaşları Rusiyada seçkilərdə səsvermə hüququ əldə edib

Rusiyada yeni səfərbərlik elanı müzakirə olunmur