NATO-nun müdafiə nazirləri Brüsseldə keçirilmiş görüşdə Baltik dənizinin təhlükəsizliyi ilə bağlı bəyannamə imzalayıblar.

"Report"un məlumatına görə, bu barədə cümə axşamı Litva Müdafiə Nazirliyinin mətbuat xidməti məlumat yayıb.

“Baltik dənizinin təhlükəsizliyinə dair birgə bəyannamə imzalanıb. Bu, tərəflərin Baltik dənizinin təhlükəsizliyinin gücləndirilməsinə sadiqliyini təsdiqləyir”, – məlumatda bildirilib.

Qeyd olunub ki, sənədə əsasən, bu, NATO ilə Avropa İttifaqı arasında daha sıx əməkdaşlıq, əlaqələndirilmiş məlumat mübadiləsi və regionda düşmənik fəaliyyətinin qarşısının alınması yolu ilə təmin ediləcək.

"NATO-nun Haaqa sammiti yaxınlaşdıqca, Alyansın Baltik dənizinin təhlükəsizliyi sahəsində hərəkətləri hazırlanacaq və kritik sualtı infrastrukturun mühafizəsi tədbirləri müzakirə olunacaq", – departament əlavə edib.

Oxşar xəbərlər

NATO Baltik dənizinin sualtı infrastrukturuna nəzarət edəcək

Britaniya NATO-nun Baltik dənizindəki missiyası üçün iki təyyarə göndərəcək

Fransa və Belçika NATO-nun Baltik dənizində patrul missiyasına qoşulacaq

Baltik dənizi regionunda NATO-nun yeni komanda mərkəzi fəaliyyətə başlayıb

Baltik dənizinin Finlandiya akvatoriyasında NATO təlimləri keçirilib