Trampın ad günü ilə ABŞ ordusunun yubileyinə həsr olunmuş parada çəkiləcək xərc açıqlanıb

İyunun 14-də Vaşinqtonda ABŞ ordusunun 250 illiyi və Prezident Donald Trampın 79 yaşı münasibətilə böyük hərbi parad keçiriləcək.

“Report” xəbər verir ki, bu barədə “Reuters” agentliyi məlumat yayıb.

Qeyd olunub ki, parada 25-45 milyon dollar vəsait ayrılacaq. Yekun məbləğ logistika və təhlükəsizliyin təmin edilməsi xərclərinə görə arta bilər.

Parada təxminən 6 600 hərbçi, 150 ədəd yerüstü texnika və 50 ədəd hava gəmisi cəlb olunacaq.