İsrail Qəzza sektorunda əməliyyatın miqyasını genişləndirmək üçün müdafiə ordusunda xidmət etmək üçün on minlərlə ehtiyatda olan hərbçini çağıracaq.

"Report"un TASS-a istinadən verdiyi məlumata görə, bu barədə xarici jurnalistlər üçün brifinqdə İsrail hökumətinin rəsmi nümayəndəsi David Menser bildirib.

"Bu həftə İsrail Qəzzada əməliyyatı gücləndirmək və genişləndirmək üçün on minlərlə ehtiyatda olan hərbçiyə çağırış əmrləri göndərəcək. İşğal üçün deyil, hərbi əməliyyatı genişləndirmək üçün", - deyə Menser bildirib.

Onun sözlərinə görə, məqsəd HƏMAS-a təzyiqi artıraraq, radikalların Fələstin anklavında saxladığı girovları azad etməkdir.

İsrail "aydın şəkildə bildirib ki, əgər girovlar azad edilsə və HƏMAS silahı yerə qoysa, müharibə bitəcək", - deyə hökumət nümayəndəsi əlavə edib.

Oxşar xəbərlər

İsrail Qəzza sektorunda daimi atəşkəs üçün əsas şərtini açıqlayıb

İsrail HƏMAS girovları azad edənə qədər Qəzza əməliyyatını genişləndirəcək

Netanyahu: Radikallar girovları azad edənə qədər İsrail Qəzzaya təzyiqlərini artıracaq