Son iki gün ərzində ABŞ İranla danışıqlarda əhəmiyyətli irəliləyiş əldə edib, bu məsələ ilə bağlı detallar gün ərzində açıqlanacaq.

"Report" xəbər verir ki, bunu ABŞ Dövlət katibi Marko Rubio Hindistanın xarici işlər naziri Subramanyam Cayşankar ilə birgə mətbuat konfransında bildirib.

"İran ətrafındakı vəziyyətə gəldikdə düşünürəm ki, bu gün daha sonra bu mövzuda xəbərlər olacaq və mən prezidentə (ABŞ Prezidenti Donald Trampa - red.) bu barədə əlavə bəyanatlar vermək imkanı yaradacağam. Bunu demək kifayətdir ki, son 48 saat ərzində Fars körfəzi regionundakı tərəfdaşlarla çərçivə planının yaradılması üzərində işdə müəyyən irəliləyiş əldə etmək mümkün olub. İrəliləyiş yekun olmasa da, əhəmiyyətlidir", - o bildirib.

Dövlət katibinin fikrincə, uğurlu olacağı təqdirdə, bu plan ABŞ-yə nəinki rüsumlar alınmadan boğazların tam açılmasına nail olmağa, həm də İranın nüvə silahı yaratmaq sahəsindəki əvvəlki ambisiyalarının əsasında dayanan bir sıra əsas amilləri aradan qaldırmağa imkan verəcək.

"Beləliklə, biz hesab edirik ki, əgər işə yarayarsa, bizə məhz belə bir nəticəni təmin edəcək konsepsiyanın işlənib hazırlanmasında irəliləyişə nail ola bilmişik. Təbii ki, bunun üçün İran tərəfindən tam razılıq, daha sonra isə əldə olunmuş razılaşmalara onun tərəfindən ciddi şəkildə riayət edilməsi tələb olunacaq. Bundan əlavə, detalların razılaşdırılması üzrə gələcək işlər tələb olunacaq", - Rubio vurğulayıb.

O yenidən təkrar edib ki, Vaşinqton problemin diplomatik həllinə üstünlük verir və yaxın saatlarda "dünya yaxşı xəbərlər eşidə bilər".

Oxşar xəbərlər

Rubio: İranla danışıqlarda müəyyən irəliləyiş əldə olunub

Rubio İranla danışıqlardan razı olsa da, Tehrana yenə xəbərdarlıq edib

Rubio: Danışıqlarda irəliləyiş olmasa, Konqres Rusiyaya qarşı sanksiyaları sərtləşdirə bilər

Pakistan XİN başçısı: ABŞ-İran münaqişəsinin nizamlanması üzrə danışıqlarda irəliləyiş əldə olunub

Rubio: ABŞ, irəliləyiş olmasa, Ukrayna ilə bağlı danışıqlardan çıxacaq