Avropa Komissiyası (AK) Avropa İttifaqının (Aİ) müdafiə sənayesinin gücləndirilməsi üçün 910 milyon avro maliyyə vəsaiti ayıracaq.

“Report” xəbər verir ki, bu barədə AK-nın nümayəndəsi Toma Renye Brüsseldə keçirilən brifinqdə bildirib.

Onun sözlərinə görə, vəsaitlər müdafiə sektorunda 62 layihənin maliyyələşdirilməsinə yönəldiləcək.

“Avropa Komissiyası Avropada güclü və innovativ müdafiə sənayesinin yaradılması üçün Avropa Müdafiə Fondu çərçivəsində 910 milyon avro sərmayə qoyacaq. Bu investisiyalar mobillik, pilotsuz uçuş aparatlarından müdafiə kimi istiqamətlərdə əsas boşluqların aradan qaldırılmasına yönəlib. Bundan əlavə, ilk dəfə olaraq Ukrayna müdafiə sənayesi belə layihələrlə əlaqələndirilə bilər”, - Avropa Komissiyasının sənədində qeyd olunub.

Oxşar xəbərlər

AK Aİ-nin ümumi müdafiə satınalmaları üçün 300 milyon avro ayırıb

Litvanın Müdafiə Nazirliyi infrastruktur layihələri üçün əlavə 7 milyon avro alacaq

Litva Ukraynaya 5 milyon avro dəyərində PUA verib

Ursula fon der Lyayen Aİ-nin müdafiə xərclərinin artırılmasını təklif edib

Aİ-nin müdafiə xərcləri 300 milyard avroya çatıb