İranın nüvə proqramı ilə bağlı istənilən uğurlu razılaşma Tehranı nüvə silahı üçün uranı zənginləşdirmək imkanından məhrum etməlidir.

"Report"un məlumatına görə, bunu İsrailin Baş naziri Benyamin Netanyahu Qüdsdə JNS xəbər portalının konfransında deyib.

“Uğurlu saziş İranı nüvə silahı üçün uranı zənginləşdirmək imkanından məhrum edəcək razılaşma olacaq”, - o deyib. Baş nazirin sözlərinə görə, İranın hələ də nüvə silahına malik olmamasının səbəbi, Netanyahunun rəhbərliyi altında bir neçə İsrail hökumətinin uzun illər ərzində davamlı addımlar atmasıdır ki, bu da Tehranı həmin məsələdə təxminən 10 il geri atıb.

"Biz ABŞ ilə sıx təmasdayıq. Dediyim kimi, bu və ya digər şəkildə İranın nüvə silahı olmayacaq. Buna nail olmağın bir yolu, İranın nüvə infrastrukturunu sıradan çıxardığı üçün Tehrana bunu etməyə imkan verməyəcək razılaşma əldə etməkdir", - Netanyahu bildirib. O, əlavə edib ki, İranla razılaşmaya Tehranın ballistik raketlər hazırlamasının qarşısını almaq üçün də müddəa daxil edilməlidir.

Oxşar xəbərlər

Netanyahu: İranla imzalanacaq saziş Tehranın uranın zənginləşdirmək imkanını əlindən almalıdır

İsrail və ABŞ İranın nüvə silahına malik olmaması ilə bağlı razılığa gəliblər

Netanyahu: İsrail olmasaydı, İran 10 il əvvəl nüvə silahı əldə edərdi

İsrailin XİN başçısı: İranla nüvə silahı məsələsinin diplomatik həllinə hazırıq

Blinken İranın nüvə bombası yaratması üçün mümkün vaxt çərçivəsini açıqlayıb