İsrail İranın nüvə silahı əldə etməsinin qarşısını almağa can atır. Lakin problemi diplomatiya yolu ilə həll etməyə hazırdır.

“Report” xəbər verir ki, bunu İsrailin xarici işlər naziri Gideon Saar “Teleqraf” qəzetinə müsahibəsində bildirib.

Nazir Fransanın Fələstin dövlətini tanıması məsələsinə toxunub və İranın nüvə silahı əldə etməsi təhlükəsindən də danışıb. O, həmçinin İsrailin may ayında İrana hücum etməyi planlaşdırdığı barədə xəbərləri təkzib edib.

"Mən Təhlükəsizlik Kabinetinin və bütün qapalı forumların üzvüyəm. Belə bir qərarı xatırlamıram. Belə qərarın verildiyini düşünmürəm. Amma İsrail İranın nüvə silahına yiyələnməsinin qarşısını almaq məqsədinə sadiqdir. Bu məqsədə diplomatik yolla nail olmaq olarsa, bu, qəbul edilir", - Saar deyib.

Siyasətçi həmçinin vurğulayıb ki, İsrail hakimiyyəti İrandakı nüvə silahı ilə bağlı ABŞ və Avropa ilə əlaqə saxlayır.

"İran öz beynəlxalq öhdəliklərinə həmişə qeyri-ciddi yanaşıb. İstisna etmirəm ki, onlar nüvə silahı ilə bağlı lazımi həllə nail olmaqdan yayınmaq üçün bəzi qismən razılaşmalar əldə etməyə çalışacaqlar. İran zəif vəziyyətdədir və məqsədə çatmaq üçün bundan istifadə etmək lazımdır", - nazir əlavə edib.

Oxşar xəbərlər

Netanyahu: İsrail olmasaydı, İran 10 il əvvəl nüvə silahı əldə edərdi

Britaniya nüvə proqramına görə İrana qarşı sanksiyaları genişləndirməyə hazırdır

İsrail və ABŞ İranın nüvə silahına malik olmaması ilə bağlı razılığa gəliblər

Tramp İranın çiçəklənməsini istəyir, “lakin nüvə silahı olmadan”

İranlı deputat Tehranın nüvə silahı əldə etdiyini irəli sürüb