ABŞ Panama kanalı zonasında yerləşdirilmiş qoşunlarının sayını artırmaq niyyətindədir.

“Report” xarici KİV-ə istinadən xəbər verir ki, bu barədə ABŞ müdafiə naziri Pit Heqset Pensilvaniya ştatının Karlayl şəhərində yerləşən ABŞ Quru Qoşunları Kollecində çıxışı zamanı bildirib.

“ABŞ hərbi gəmilərinin və yardımçı gəmilərin Panama kanalından ilk keçid hüququ, həmçinin kanalın hər iki sahilində bütün uzunluğu boyunca ABŞ qoşunlarının əlavə mövcudluğu barədə çərçivə razılaşması təmin etdik”, - o vurğulayıb.

Xatırladaq ki, ABŞ-nin Panamada hərbi mövcudluğunu genişləndirmək planları barədə P.Heqset bu Mərkəzi Amerika ölkəsinə səfərinin yekunları üzrə aprelin 9-da elan edib. Həmin vaxt nazir Panamada rotasiya əsaslı birgə təlimlər barədə məlumat vermişdi.

Qeyd edək ki, ABŞ Prezidenti Donald Tramp dəfələrlə Vaşinqtonun Panama kanalı üzərində nəzarəti geri qaytarmasının zəruri olduğunu bəyan edib. O, Panama kanalından keçid üçün tutulan yüksək tarifləri tənqid edərək, 1999-cu ildə bu obyekt üzərində nəzarətin verilməsinin başqa ölkələrə güzəşt deyil, əməkdaşlıq jesti olduğunu vurğulayıb.

Oxşar xəbərlər

ABŞ hərbi gəmilərinin Panama kanalı vasitəsilə sərbəst keçidi ilə bağlı bəyannamə imzalanacaq

Tramp Panama kanalına nəzarəti bərpa edəcəyinə söz verib

Rubio: ABŞ-nin Panama kanalı ilə bağlı gözləntiləri eyni olaraq qalır

Panama Trampın bəyanatları ilə bağlı BMT-yə şikayət verib

Meksika Panama kanalı ilə bağlı mübahisədə Panamanı dəstəkləyib