ABŞ-nin ticarət naziri Hovard Latnik Vaşinqton Administrasiyasının aprelin 2-də qarşılıqlı prinsip üzrə elan edilmiş gömrük rüsumları ilə bağlı danışıqlara hazır olduğunu şübhə altına alıb.

Bu barədə "Report" "CBS News" telekanalına istinadən xəbər verir.

"Rüsumlar təxirə salına bilməz. Onlar mütləq bir neçə gün və həftə ərzində qüvvədə qalacaqlar. Bu aydındır", - o, telekanalın efirində bir sıra ölkələrlə danışıqlar aparmaq üçün tariflərin tətbiqini təxirə salmağın mümkünlüyü barədə suala cavab verərkən deyib:

"Prezident (Donald Tramp) qlobal ticarəti yenidən başlatmalıdır" nazir deyib. "Tariflər tətbiq olunacaq. O, (Tramp - red.) bunu elan etdi və zarafat etmədi. Rüsumlar (9 apreldə) tətbiq olunacaq. Əlbəttə ki, onlar təqdim ediləcək", - Latnik ABŞ administrasiyasının digər nümayəndələrinin son günlərdə Vaşinqtonun rüsumların azaldılması və ya ləğvi ilə bağlı danışıqlara başlamaq üçün artıq 50-dən çox ölkədən müraciət aldığını şərh edərkən vurğulayıb.

Ondan hakimiyyətin tariflər səbəbilə amerikalı fermerlərə və ya digər sahələrə hər hansı subsidiya və ya yardım etməyi nəzərdən keçirib-keçirilmədiyi soruşulub. "Bu mövzuda heç bir görüşdə iştirak etmədim", - Latnik vurğulayıb. O, həmçinin izah edib ki, hakimiyyət Hind okeanında pinqvinlərin məskunlaşdığı, yaşayış olmayan Makdonald və Heard adalarına 10 % tariflər tətbiq edib ki, digər ölkələr onları boşluq kimi istifadə edə bilməsinlər.

Oxşar xəbərlər

ABŞ bu gün Kanada və Meksika mallarına rüsumların azaldılmasını elan edə bilər [xfgiven_updateblue][/xfgiven_updateblue]

Aİ-nin ABŞ rüsumlarına cavab tədbirləri mayda qüvvəyə minəcək [xfgiven_updateblue][/xfgiven_updateblue]

KİV: Şolts ABŞ-yə qarşı cavab rüsumları tətbiq etməyi planlaşdırır [xfgiven_updateblue][/xfgiven_updateblue]

KİV: Tramp Trüdo ilə telefon danışığı aparıb [xfgiven_updateblue][/xfgiven_updateblue]

Əllidən çox ölkə ABŞ-yə tarif danışıqları üçün müraciət edib [xfgiven_updateblue][/xfgiven_updateblue]