Avropa İttifaqı (Aİ) ABŞ-nin tətbiq etdiyi rüsumlara cavab olaraq nəzərdə tutulan tədbirlərin yenilənmiş siyahısını üzv ölkələrə göndərəcək.

“Report” xəbər verir ki, bu barədə “The Financial Times” qəzeti mənbələrə istinadən yazıb.

Onların sözlərinə görə, aprelin 15-də təsdiqlənəcək tədbirlər mayda qüvvəyə minəcək.

Qeyd olunub ki, Aİ-nin ABŞ ilə tariflərlə bağlı təmasları hələlik nəticə verməyib. Görünür, Aİ-nin ticarət üzrə komissarı Maroş Şefçoviçin danışıqlar apardığı ABŞ-nin ticarət naziri Hovard Latnik ABŞ Prezidenti Donald Trampa təsiri azdır və tarif siyasəti ilə bağlı qərarları Trampın ticarət və istehsal üzrə müşaviri Piter Navarro qəbul edir.

Qeyd edək ki, aprelin 2-də Tramp bir çox ölkələrdən idxala gömrük rüsumlarının tətbiq ediləcəyini elan edib, Aİ-yə 20 % rüsum tətbiq olunacaq. Böyük Britaniyaya qarşı rüsumlar 10 % səviyyəsində müəyyən edilib.

Oxşar xəbərlər

Aİ ticarət nazirləri ABŞ-nin rüsumlarına qarşı cavab tədbirlərini aprelin 7-də təsdiqləyəcək

Ursula fon der Lyayen: Aİ ABŞ-nin yeni rüsumlarına qarşı cavab tədbirləri görməyə hazırdır

KİV: Şolts ABŞ-yə qarşı cavab rüsumları tətbiq etməyi planlaşdırır

Avropa İttifaqı ABŞ-nin təhdidlərini cavabsız qoymayacaq

Meksika ABŞ-nin cavab tariflərinə dərhal cavab verməyəcək