Amerika prezidenti Donald Trampın administrasiyası xaricdən polad və alüminium tədarükünə rüsumlar tətbiq etdikdən sonra Meksika hakimiyyəti dərhal ABŞ-yə tariflərlə cavab verməyəcək.

“Report” xəbər verir ki, bunu Meksika lideri Klaudiya Şeynbaum deyib.

Prezident qeyd edib ki, aprelin 2-də Meksikanın ABŞ hökuməti ilə eyni qarşılıqlılıq prinsipi çərçivəsində hər hansı addım atmalı olub-olmaması nəhayət bəlli olacaq:

“Ölkəmizdəki polad və alüminium istehsalçıları ilə görüşlərdən başqa, aprelin 2-nə qədər gözləyəcəyik. Unutmayın ki, aprelin 2-si ABŞ hökumətinin bütün dünya ölkələri üçün qarşılıqlı tariflərin tətbiqini elan edəcəyi gündür. Ümid edirik ki, bizim ticarət sazişimiz var və Meksikadan ABŞ-yə heç bir tarif yoxdur, onlar tərəfindən heç bir qarşılıqlı tariflər olmayacaq”.

Fevralın 10-da Tramp ABŞ-nin bütün xarici polad və alüminium tədarükünə 25% rüsum tətbiq etməsi ilə bağlı müvafiq sənədi imzalayıb. Martın 12-də qüvvəyə minən qərar Argentina, Avstraliya, Braziliya, Böyük Britaniya, Avropa Birliyi, Kanada, Meksika, Cənubi Koreya və Yaponiyadan tədarüklərə aiddir.

Oxşar xəbərlər

Tramp ABŞ-yə polad və alüminium idxalına 25 % rüsum tətbiq edəcək

Tramp ABŞ-yə polad və alüminium idxalına 25 % rüsum tətbiq edib

İspaniya XİN başçısı: Aİ vahid bazarın maraqlarını qorumağa hazırdır

Meksika ABŞ-yə xəbərdarlıq edib

Trampın rüsum fərmanına ilk reaksiya Meksikadan gəlib: Cavab rüsumları tətbiq ediləcək