Fələstinin HƏMAS hərəkatı fevralın 15-nə planlaşdırılan daha bir girov qrupunun azad edilməsini təxirə salmaq qərarına gəlib.

"Sizinxeber.az"un məlumatına görə, bu barədə HƏMAS-ın hərbi qanadının nümayəndəsi Əbu Ubeydə özünün teleqram kanalında bildirib.

"Son üç həftə ərzində razılaşma şərtlərinin dəfələrlə pozduğunu müşahidə etdik. Bu səbəbdən fevralın 15-də azad edilməli olan məhbusların azadlığa buraxılmasını təxirə salmaq qərarına gəldik. İsrail müqavilənin şərtlərinə əməl etməlidir", - o vurğulayıb.

HƏMAS hesab edir ki, İsrail anklavın cənubundan şimala köçkünlərin qayıtmasını gecikdirməklə, Qəzza sakinlərinə atəş açmaqla və bütün növ humanitar yardımların çatdırılmasını təmin edə bilməməklə razılaşmanın şərtlərini pozub.

Oxşar xəbərlər

İsrail Qəzzada planlaşdırılan atəşkəsi təxirə salıb

“HƏMAS” azad ediləcək üç girovun adını vasitəçilərə verib

HƏMAS atəşkəs razılaşmasının pozulmasına görə İsraili suçlayıb

HƏMAS israilli girovların ikinci hissəsinin yanvarın 25-də azad edəcək