Fransanın Baş naziri Fransua Bayru cari ilin büdcə layihəsini Milli Assambleyada deputatların səsverməsinə ehtiyac olmadan qəbul edib.

“Sizinxeber.az” xəbər verir ki, bu barədə Fransanın BFM TV telekanalı məlumat yayıb.

"Heç bir ölkə büdcəsiz yaşaya bilməz. Beşinci Respublika qurulandan ilk dəfədir ki, ölkəmiz hələ də büdcəsiz qalır. Bu, Fransanın imicinə mənfi təsir göstərir", - Bayru bildirib.

Konstitusiyanın 49.3-cü maddəsində büdcənin deputatların səsi olmadan qəbul edilməsinin mümkünlüyü nəzərdə tutulur.

Telekanalın məlumatına görə, fevralın 5-də Bayru hökumətinə etimadsızlıq səsverməsi keçiriləcək.

Yanvarın 30-da "Bloomberg" xəbər verib ki, Almaniya və Fransa iqtisadiyyatları hökumətə inamın azalması səbəbindən azalmağa davam edir. Məlumata görə, Fransanın ÜDM-i 0,1 % azalıb. Qeyd olunur ki, Parisdə əsas problem büdcə böhranıdır.

Oxşar xəbərlər

Fransua Bayru Fransanın yeni Baş naziri təyin edilib

Fransa müxalifəti Bayru hökumətinə etimadsızlıq qətnaməsinin qəbuluna nail olmaq niyyətindədir

Fransanın ifrat sağçıları yeni baş naziri bütün partiyalarla dialoqa çağırır

Fransanın baş naziri: Ölkənin heç vaxt bu qədər dövlət borcu olmayıb

Fransada müxalifət yanvarın 16-da hökumətə etimadsızlıq səsverməsi tələb edə bilər