ABŞ-də yeni seçilmiş prezident Donald Tramp hakimiyyətinin ilk günündən etibarən qanunsuz miqrantlara qarşı reydlər başlanacaq.

“Report” ABŞ-nin “The Wall Street Journal” nəşrinə istinadən xəbər verir ki, bu barədə Trampın yeni komandasında sərhəd təhlükəsizliyinə cavabdeh olan Tom Hovman bildirib.

Qeyd olunub ki, yanvarın 21-dən etibarən ölkədə qanunsuz yaşayan miqrantların saxlanılması və deportasiyası istiqamətində işlər başlayacaq.

Trampın komandası ilk növbədə cinayət törətmiş miqrantları da hədəf alacaqlarını açıqlayıb. Buna baxmayaraq, bildirilib ki, tədbirlər ABŞ-dakı bütün qeyri- qanuni miqrantlara aid ediləcək.

Xatırladaq ki, Tramp daha əvvəl ölkə tarixindəki ən böyük deportasiya proqramına şəxsən nəzarət etmək niyyətində olduğunu bildirib.

Oxşar xəbərlər

WSJ: Tramp andiçmənin ertəsi günü miqrantların deportasiyasına başlayacaq

Meksika Prezidenti: ABŞ-dən deportasiya olunan miqrantları qəbul etməyəcək

Meksika Prezidenti: ABŞ-dən deportasiya olunan miqrantları qəbul etməyəcəyik

Tramp inauqurasiyadan bir gün sonra miqrantları deportasiya etməyə başlayacaq

“The Wall Street Journal”: Trampın Azərbaycan və Ermənistan arasında sülhə nail olmaq fürsəti var