ABŞ-nin seçilmiş prezidenti Donald Trampın administrasiyası qanunsuz miqrantların kütləvi deportasiyası ilə bağlı seçki vədlərinin həyata keçirilməsinə yanvarın 21-də, yəni vəzifəyə başladıqdan bir gün sonra başlayacaq.

“Sizinxeber.az” xəbər verir ki, bu barədə “The Wall Street Journal” (WSJ) qəzeti mənbələrə istinadən bildirib.

Mənbələrin məlumatına görə, “miqrantlara qarşı ilk genişmiqyaslı reyd” çərşənbə axşamı səhər İllinoys ştatının Çikaqo şəhərində başlayacaq və həftəsonunadək davam edəcək.

Əməliyyata ABŞ İmmiqrasiya və Gömrük Xidmətinin təxminən 200 əməkdaşı qatılacaq. Qəzetin yazdığına görə, onların əsas hədəfi cinayət keçmişi olan qanunsuz miqrantlar olacaq. Çikaqodan sonra miqrantlara qarşı reydlər Nyu-York, Los-Anceles (Kaliforniya ştatı), Denver (Kolorado ştatı) və Mayami (Florida ştatı) şəhərlərində keçiriləcək.

Daha əvvəl CNN telekanalı xəbər vermişdi ki, Trampın komandası yanvarın 20-də keçiriləcək inauqurasiyadan bir neçə saat sonra açıqlanacaq “sərt immiqrasiya” qanunvericilik tədbirləri paketi üzərində işi başa çatdırır.

Oxşar xəbərlər

Tramp inauqurasiyadan bir gün sonra miqrantları deportasiya etməyə başlayacaq

Los-Anceles miqrantların müdafiəsi üçün “sığınacaq şəhəri” statusu haqqında qərar qəbul edib

Meksika Prezidenti: ABŞ-dən deportasiya olunan miqrantları qəbul etməyəcək

Meksika Prezidenti: ABŞ-dən deportasiya olunan miqrantları qəbul etməyəcəyik

Tramp Floridadakı iqamətgahında İtaliyanın Baş naziri ilə görüşüb