Los-Anceles Şəhər Şurası miqrantları federal təqibdən qoruyan sığınacaq şəhər statusu haqqında qərarı yekdilliklə qəbul edib.

“Sizinxeber.az” xəbər verir ki, bu barədə “Reuters” yazıb.

ABŞ-nin əhali sayına görə ikinci ən böyük şəhəri olan Los-Anceles rəsmi olaraq federal immiqrasiya qanunlarının icrasında şəhər resurslarının və işçilərinin istifadəsini qadağan edib. Bu qərar seçilmiş prezident Donald Trampın miqrantların kütləvi deportasiyası planları haqqında bəyanatları fonunda qəbul edilib.

Qərar şəhər qanunvericiliyi səviyyəsində miqrantların müdafiəsini təmin edir. Şura üzvü qeyd edib ki, bu tədbir miqrantlara onların qorxularının başa düşüldüyünü və nəzərə alındığını göstərməyə yönəlib.

Səsvermədən əvvəl meriya binası qarşısında təşəbbüsü dəstəkləyən aksiya keçirilib. İştirakçılar “Los-Anceles – indi sığınacaq şəhərdir!” yazılmış plakatlar tutub və ispan dilində “Nə istəyirik? Sığınacaq! Nə vaxt? İndi!” şüarları səsləndiriblər.

“Immigrant Legal Resource Center” qeyri-kommersiya təşkilatının məlumatına görə, 11 ştat artıq immiqrasiya sahəsində federal hakimiyyətlə əməkdaşlığı azaltmaq üçün addımlar atıb.

Yanvarın 20-də vəzifəyə başlayacaq Trampın keçid komandası bu mövzu ilə bağlı şərh verməkdən imtina edib.

Oxşar xəbərlər

"Los-Anceles" klubu ABŞ Kubokunun qalibi olub [xfgiven_updateblue][/xfgiven_updateblue]

Batumi, Aktau, Los-Anceles və Qarsa Azərbaycanın baş konsulları təyin edilib [xfgiven_updateblue][/xfgiven_updateblue]

Prezident Los-Ancelesə yeni baş konsul təyin edib [xfgiven_updateblue][/xfgiven_updateblue]

Los-Anceles yaxınlığında son yarımilin ən güclü zəlzələsi olub [xfgiven_updateblue][/xfgiven_updateblue]

Gürcüstan DİN: Qeyri-qanuni miqrantların deportasiyası halları xeyli artıb [xfgiven_updateblue][/xfgiven_updateblue]