İtaliyanın Baş naziri Corca Meloni danışıqlar üçün ABŞ-nin seçilmiş prezidenti Donald Trampın Mar-a-Laqodakı (Florida ştatı) iqamətgahına gəlib.

“Report” xəbər verir ki, bu barədə “The New York Times” (NYT) qəzeti mənbələrə istinadən məlumat yayıb.

“Görüş Meloninin tərəfdarlarının mühafizəkar İtaliya Baş nazirinin Avropada Trampın əsas müttəfiqinə çevriləcəyinə olan ümidlərini gücləndirir”, – məqalədə yazılıb.

NYT qeyd edib ki, görüşün gündəliyi aydın olmasa da, müşahidəçilər Meloninin Trampla respublikaçının Avropa ölkələri ilə fikir ayrılıqlarının yumşaldılmasını müzakirə edəcəyini gözləyirlər.

Qəzetə görə, İtaliyanın hökumət başçısının Amerikanın yeni lideri ilə görüşü hazırkı ABŞ administrasiyasının başçısı Cozef Baydenin 9-12 yanvar tarixlərinə planlaşdırılan səfərindən bir neçə gün əvvəl baş tutub. NYT-nin yazdığına görə, Baydenin İtaliyada Meloni, həmçinin Roma Papası Fransisklə görüşləri nəzərdən keçirilir.

Oxşar xəbərlər

İtaliyanın Baş naziri Corcia Meloni Floridada Trampla görüşəcək - YENİLƏNİB

ABŞ Prezidenti İtaliyaya səfər edəcək

İtaliyanın Baş naziri Corcia Meloni Floridada Donald Trampla görüşəcək

Kanadanın maliyyə naziri və XİN başçısı Tramp administrasiyası ilə məsləhətləşmələr üçün ABŞ-yə gedir