Avropa İttifaqı ölkələri NATO xaricində müdafiə sistemi qurmaq istəsələr, ÜDM-in hazırkı 2%-lik hədəfindən 10%-ə qədərini hərbi xərclərə xərcləməli olacaqlar.

“Sizinxeber.az” xəbər verir ki, bunu Brüsseldə Avropa Parlamentində ilk dəfə çıxış edən NATO-nun Baş katibi Mark Rutte deyib.

“Avropa NATO-su kimi bir şeyin olması çox gözəl olardı, lakin sonra ÜDM-in 2%-ni unudun. O zaman müdafiə xərclərini 8-10%-ə çatdırmalı olacaqsınız”, - o bildirib.

Ruttenin sözlərinə görə, Avropa NATO ölkələri indi müdafiə xərclərini artırmaq üçün bir yol tapmalıdırlar. O, bir daha bəyan edib ki, Donald Tramp ilk prezidentlik dövründə hərbi xərclərin artırılmasında israr edərkən haqlı idi:

“O, dəfələrlə haqlı olub və yəqin ki, dəfələrlə haqlı olacaq”.

Bundan əvvəl Tramp mətbuat konfransında NATO-ya üzv ölkələrin hərbi xərclərini ÜDM-nin 5%-ə çatdırmağa çalışmaq niyyətində olduğunu bildirib.

Oxşar xəbərlər

Polşa müdafiə naziri: NATO ölkələri hərbi xərcləri tez artıra bilməyəcək

Baş katib: NATO ölkələri müdafiəyə ÜDM-in 2 %-dən çoxunu xərcləməlidir

NATO-nun Baş katibi və Britaniyanın Baş naziri Aİ-nin fövqəladə sammitinə dəvət olunub

NATO Baş katibi: Ukrayna Rusiya ilə danışıqlar aparmaq iqtidarında deyil

Rutte NATO-nun Ukrayna üzrə komandanlığının işə başladığını açıqlayıb