Xorvatiya hökuməti Avropa İttifaqı səviyyəsində vahid qərar qəbul edilənə qədər Suriya vətəndaşlarının sığınacaqla bağlı müraciətlərinə baxılmasını dayandırmaq qərarına gəlib.

“Sizinxeber.az” TASS-a istinadən xəbər verir ki, bu barədə ölkənin daxili işlər naziri Davor Bojinovic bildirib.

Onun sözlərinə görə, Daxili İşlər Nazirliyi səlahiyyətli qurumlara Suriya vətəndaşlarının sığınacaq almaq üçün müraciətlərinə baxılmasının müvəqqəti dayandırılması ilə bağlı göstərişlər verib. Bu proses Avropa İttifaqı səviyyəsində qərar qəbul edilənə qədər davam edəcək.

"Hamımız ümid edirik ki, Suriyadakı vəziyyət suriyalıların öz ölkələrinə qayıtmasına imkan verəcək", - Xorvatiya DİN-in mətbuat xidməti D.Bojinovicin sözlərini sitat gətirib.

Daha əvvəl Avstriya, Almaniya, Danimarka, Norveç, İsveç, Finlandiya və Kipr suriyalıların sığınacaqla bağlı müraciətlərinə baxılmasının dayandırıldığını bildirmişdi.

Oxşar xəbərlər

Bəzi Avropa ölkələri suriyalı qaçqınlara sığınacaq verməyəcək

Avstriya suriyalılara sığınacaq verilməsi prosedurunu dayandırır

Aİ miqrasiya ilə bağlı islahatlar aparacaq

Almaniya vətənlərinə qayıtmaq istəyən suriyalılara min avro təklif edib

Almaniya Suriya vətəndaşlarının sığınacaq müraciətləri ilə bağlı qərarları dayandırır