Almaniya Kansleri Olaf Şolts təxminən iki ildən sonra ilk dəfə Rusiya Prezidenti Vladimir Putinlə telefon danışığı aparıb.

“Report” xəbər verir ki, bu barədə Almaniya Nazirlər Kabinetinin rəsmi nümayəndəsi Şteffen Hebeştrayt məlumat yayıb.

Onun sözlərinə görə, söhbət zamanı Almaniya Kansleri Rusiyanı ədalətli və uzunmüddətli sülhə nail olmaq üçün Ukrayna ilə danışıqlara çağırıb.

Şolts, həmçinin Almaniyanın Kiyevi lazım olduğu müddətcə dəstəkləməkdə sarsılmaz qətiyyət göstərəcəyini açıqlayıb. O, Putini münaqişəyə son qoymağa, Rusiya qoşunlarını Ukraynanın nəzarət altında saxlanılan ərazilərindən çıxarmağa çağırıb.

Hebeştrayt bildirib ki, Şolts bu telefon danışığından qabaq Ukrayna Prezidenti Volodimir Zelenskiyə zəng edib və Rusiya prezidenti ilə danışdıqdan sonra bunu yenidən edəcək.

Oxşar xəbərlər

Almaniya hökuməti Şolts-Putin telefon danışığının təfərrüatlarını açıqlayıb - YENİLƏNİB

Almaniya Kansleri Putinə zəng edib - YENİLƏNİB

Şolts və Zelenski arasında telefon danışığı baş tutub

Almaniya Livana yardım üçün əlavə 60 milyon avro ayıracaq

Almaniya kansleri Ukrayna münaqişəsində danışıqların vaxtının çatdığını bildirib