Son həftə Şri-Lankada davam edən leysan yağışları nəticəsində 118 mindən çox insan daşqınlardan zərər çəkib.

“Report” xəbər verir ki, bu barədə ölkənin Təbii Fəlakətlərlə Mübarizə Mərkəzi məlumat yayıb.

Bildirilib ki, təbii fəlakətdən ən çox Şri-Lankanın qərb, şimal-qərb və şimal əyalətlərinin sakinləri zərər çəkib, 76 mindən çox insan evlərini tərk etməyə məcbur olub.

Qeyd olunub ki, daşqının nəticələri səbəbindən iki nəfər həlak olub, daha iki nəfər yaralanıb, 230-dan çox yaşayış binası tamamilə və ya qismən dağılıb, bir neçə məktəb bağlanıb.

Çaylarda su səviyyəsi yüksək olaraq qalır, meteoroloqlar növbəti sutka ərzində əlverişsiz hava şəraitinin davam edəcəyi barədə xəbərdarlıq ediblər.

Xatırladaq ki, 2017-ci ilin may ayında Şri-Lankada güclü yağışlar nəticəsində baş vermiş daşqınlar və torpaq sürüşmələri ölkənin qərb və cənub rayonlarının bir çoxuna təsir göstərmiş, sonucda 164 nəfər həlak olmuş, yüz minlərlə insan evsiz qalmışdı.

Oxşar xəbərlər

Kamerunda 200 min insan daşqınlardan zərər çəkib, ölənlər var

Çadda daşqınlar nəticəsində 500-dən çox insan ölüb

Qərbi Afrikada daşqınlar nəticəsində 70-dən çox adam ölüb

Nigerdə ​​daşqınlar nəticəsində 50-dən çox adam ölüb