Rostov-na-Dondan Türkiyə limanına gedən yük gəmisi Rostov vilayətinin Azov rayonunda Don çayında saya oturub.

“Report” xəbər verir ki, bu barədə "İnterfaks"a Rusiyanın Fövqəladə Hallar Nazirliyinin regional idarəsinin mətbuat xidməti məlumat verib.

"Moskva vaxtı ilə saat 13:50-də Vanuatu bayrağı altında üzən “Florica” gəmisinin saya oturması barədə məlumat daxil olub. Gəmidə 14 Azərbaycan vətəndaşı var", - agentliyin həmsöhbəti bildirib.

O qeyd edib ki, gəmi Rostov-na-Dondan Samsun (Türkiyə) limanına gedirmiş. Heç kim xəsarət almayıb, naviqasiya pozulmayıb. Onu sayadan çıxarmaq üçün iki yedək gəmisi göndərilib.

Oxşar xəbərlər

Rusiya və Ukraynadan gələn gəmilər toqquşdu

Rostovun məşhur bazarındakı yanğın söndürüldü

Rostov vilayəti kütləvi dron hücumuna məruz qalıb

Rusiya KİV: Rostov vilayəti kütləvi dron hücumuna məruz qalıb

Bosfor boğazında gəmilərin hərəkəti dayandırılıb