İsrail Müdafiə Ordusunun hava zərbələri nəticəsində Suriya prezidenti Bəşşar Əsədin qardaşı Mahir əl-Əsəd ölüb.

“Report” xəbər verir ki, məlumatı İranın “Mehr” agentliyi yayıb.

İsrail Müdafiə Ordusunun Hava Qüvvələri Suriya prezidenti Bəşşar Əsədin qardaşı Mahir əl-Əsədin komandanlıq etdiyi Suriya ordusunun 4-cü diviziyasının qərargahını bombalayıb.

“Report” “newsru.co.il”ə istinadən xəbər verir ki, məlumatı Suriya İnsan Hüquqları uğrunda Monitorinq (“The Syrian Observatory for Human Rights” -SOHR) yayıb.

İsrail rəsmiləri və Suriyadakı Bəşşar Əsəd hakimiyyəti hadisə ilə bağlı şərh yaymayıb.

Məlumata görə, bu qərargaha Livan “Hizbullah”ı və İran İnqilab Keşikçiləri Qvardiyasının liderləri tez-tez baş çəkirlər.

Bildirilib ki, bu, Mahir Əsədə xəbərdarlıqdır. İnformasiyaya əsasən, 4-cü diviziya Livana silah-sursat göndərir. Mahir Əsəd İsrail Müdafiə Ordusunun hədəf bankındadır. Bombalanma zamanı o, qərargahda olub.

Mahir Əsəd 2018-ci ildə İsrailin Suriyada hədəflərə zərbə endirməsi nəticəsində yaralanıb.

General-mayor Mahir Əsəd Suriyanın keçmiş prezidenti Hafiz Əsədin kiçik oğludur. O, Ərəb Respublikasının qvardiyasına və 4-cü elit zirehli tank diviziyasına komandanlıq edir.

Oxşar xəbərlər

İsrail ordusu Bəşşar Əsədin qardaşının başçılıq etdiyi diviziyanın qərargahını bombalayıb

“Hizbullah” İsrail ordusunun mövqelərinə hücum edib

İsrail Ordusunun daha bir hərbçisi Qəzzada ölüb

İsrail HHQ Hələb hava limanına zərbələr endirib

İsrail Müdafiə Ordusu: "Hizbullah"ın cənub cəbhəsi komandanı öldürülüb