Fələstinin HƏMAS və Fəth hərəkatları Qəzza zolağında mülki idarəetmə məsələsi ilə bağlı konsensus əldə edib.

"Report" xəbər verir ki, bu barədə "Al Arabiya" telekanalı HƏMAS-dakı mənbəyə istinadən məlumat yayıb.

O bildirib ki, razılaşmaya əsasən, HƏMAS Qəzzada sərhəd-keçid məntəqələrinə nəzarət etməyəcək.

“Gələn həftə hərəkatlar barışıq çərçivəsində görüş keçirəcək”, - mənbə əlavə edib.

Hazırda Fələstin rəsmiləri Qəzza zolağının idarə olunması məsələsi ilə bağlı təmasdadır. Qeyd edilir ki, müzakirə olunan məsələlər arasında müstəqil xadimlərdən ibarət yerli administrasiya, o cümlədən hər iki hərəkatın və digər Fələstin fraksiyalarının razılıq verəcəyi halda texnokratlar hökumətinin yaradılması da yer alır.

Oxşar xəbərlər

İsrail Qəzzada HƏMAS qüvvələrinin əksəriyyətinin məğlub olduğunu elan edib

İsrail HHQ Qəzzada HƏMAS-ın 25 hərbi obyektinə zərbələr endirib

KİV: HƏMAS Qahirədəki məsləhətləşmələrdə ABŞ-nin təklifini rədd edib