Böyük Britaniyanın xarici işlər naziri David Lemmi bu gün COBRA (Cabinet Office Briefing Rooms) fövqəladə hökumət komitəsinin iclasını keçirib.

"Sizinxeber.az" xəbər verir ki, bu barədə Böyük Britaniya mətbuatı məlumat yayıb.

"Xarici işlər naziri Livandakı vəziyyəti müzakirə etmək və Londonun ölkə vətəndaşlarının təxliyəsini tələb edə biləcək hər hansı bir eskalasiyaya hazır olmasını təmin etmək üçün COBRA-nın təcili iclasına sədrlik edib", – məlumatda bildirilib.

Qeyd edək ki, sentyabrın 17-18-də Livanda eyni vaxtda çoxlu sayda rabitə cihazlarında partlayışlar baş verib. Rəsmi məlumatlara görə, 37 nəfər ölüb, 3 mindən çox insan yaralanıb. Bu hadisədən sonra Böyük Britaniyanın xarici işlər naziri yenidən ölkə vətəndaşlarını Livanı tərk etməyə çağırıb.

Avqustun əvvəlində Livanda 16 minə yaxın Böyük Britaniya vətəndaşı olub.

Oxşar xəbərlər

Böyük Britaniyada COBRA-nın iclası çağırılıb

KİV: Netanyahu Britaniya XİN başçısı ilə görüşdən imtina edib

Britaniya Ukraynaya 780 milyon dollarlıq yeni yardım paketi ayırır

Livanda rabitə cihazlarında yenidən partlayışlar olub, 100 nəfər xəsarət alıb