Pakistanla sərhəddə yerləşən Mircave şəhəri yaxınlığında, Sistan və Bəlucistan əyalətində silahlı hücum nəticəsində 3 iranlı sərhədçi həlak olub.

“Sizinxeber.az” IRNA agentliyinə istinadən xəbər verir ki, bu barədə Zahidan şəhərinin (əyalətin inzibati mərkəzi) prokuroru Mehdi Şəmsabadi bildirib.

“Bu gün axşam saatlarında Mircavedə yanacaqdoldurma məntəqəsində bir neçə naməlum silahlı şəxs yanacaq dolduran sərhədçilərin avtomobilinə atəş açıb”, – o deyib.

Şəmsabadinin sözlərinə görə, prokurorun terror aktı adlandırdığı hücumda iki əsgər və bir leytenant rütbəli zabit həlak olub. Bundan əlavə, yanacaqdoldurma məntəqəsində olan mülki şəxs də yaralanıb.

Oxşar xəbərlər

Suriyada terror aktı nəticəsində bir neçə hərbçi həlak olub

Əfqanıstanda silahlı şəxslərin hücumu nəticəsində 14 nəfər həlak olub

İordan çayının qərb sahilində terror aktı nəticəsində 3 İsrail polisi həlak olub