Fransanın cənubundakı Şərqi Pireney Departamentində meşə yanğınları zamanı 10-dan çox insan xəsarət alıb.

“Report” xəbər verir ki, bu barədə BFM TV telekanalı məlumat yayıb.

Məlumata görə, turist düşərgəsinin təxliyəsi zamanı ikisi yanğınsöndürən də daxil olmaqla 11 nəfər xəsarət alıb. Yanğının yaxınlaşması səbəbindən ümumilikdə 3 mindən çox insan təxliyə edilib.

"Yanğın 400 hektardan çox ərazini əhatə edib. Eyni zamanda, Fransanın altı departamentinin ərazisində yanğınların mümkün yayılması ilə əlaqədar artan hazırlıq rejimi elan edildi", - məlumatda deyilir.

Qeyd olunur ki, yanğının söndürülməsinə 100-dən çox yanğınsöndürən, onlarla yanğınsöndürən maşın, həmçinin xüsusi aviasiya cəlb olunub.

Oxşar xəbərlər

Türkiyədə meşə yanğınları ilə bağlı 6 nəfər saxlanılıb, daha 3-ü axtarışa verilib

Rusiyada meşə yanğınları güclənib

Türkiyədə meşə yanır, əraziyə dörd helikopter və PUA cəlb olunub

Kanadanın qərbində minlərlə insan meşə yanğınları səbəbindən təxliyə edilir

Türkiyədə bütün meşə yanğınları nəzarət altına alınıb