ABŞ dövlət katibi Marko Rubio, vitse-prezident Cey Di Vens, eləcə də xüsusi elçilər Stiv Vitkoff və Keyt Kelloq Ukrayna Prezidenti Volodimir Zelenski ilə amerikalı həmkarı Donald Tramp arasında Vaşinqtonda keçiriləcək danışıqlarda iştirak edəcək.

"Sizinxeber.az" xəbər verir ki, bu barədə BBC mənbələrə istinadən məlumat yayıb.

Məlumata görə, onlara Ağ Evin aparat rəhbəri Syuzan Uayls da qoşulacaq. Avropa Komissiyasının təqviminə əsasən, Zelenski hazırda Avropa Komissiyasının prezidenti Ursula fon der Lyayen və Avropa liderləri ilə hazırlıq görüşü keçirir.

Bundan əvvəl Zelenski ABŞ Prezidentinin Ukrayna və Rusiya üzrə xüsusi nümayəndəsi Keyt Kelloqla da danışıqlar aparıb.

Avqustun 18-də Ukrayna lideri Rusiya ilə gələcək sülh sazişinin şərtlərini müzakirə etmək üçün Vaşinqtona gəlib. Əvvəlcə o, Donald Tramp və ABŞ prezidentinin komandası ilə danışıqlar aparacaq, sonra Avropa liderləri də onlara qoşulacaq.

Oxşar xəbərlər

Zelenski Vaşinqtonda Kelloqla görüşüb

Avropa liderləri Vaşinqtona səfər edəcək

Tramp Zelenski ilə distant formada görüşəcək

Almaniya kansleri Avropa liderləri ilə birlikdə Vaşinqtona səfər edəcək

Avropa liderləri Zelenskini dəstəkləmək üçün Vaşinqtona səfər edəcəklər