ABŞ prezidenti Donald Tramp Rusiya lideri Vladimir Putinlə Alyaskada gözlənilən görüşünün həm Moskva, həm də Vaşinqton üçün əhəmiyyətli olacağını bildirib.

“Report”un xəbərinə görə, bunu o, Ağ Evdə jurnalistlərin suallarını cavablandırarkən deyib.

“Görüşümüzdə nə baş verəcəyini görəcəyik. Bu, böyük bir görüş olacaq, düşünürəm ki, Rusiya və bizim üçün çox əhəmiyyətli olacaq. Bu, bizim üçün yalnız o mənada vacibdir ki, biz çoxlu insan həyatını xilas edəcəyik”, - Tramp bildirib.

Eyni zamanda, Amerika lideri ilkin olaraq Rusiyanın Alyaskada nadir torpaq minerallarının çıxarılması təklifinin mümkünlüyü ilə bağlı suala cavab verməyib.

Bir daha soruşduqda, “Bu, qətiyyən əhəmiyyətsizdir. Mən insanların həyatını xilas etməyə çalışıram”, - Amerika lideri bildirib.

Oxşar xəbərlər

Tramp: Alyaskada Putinlə konstruktiv görüş olacağını gözləyirəm - YENİLƏNİB

Rubio: Alyaskada ABŞ-Rusiya sammiti tanışlıq görüşü olacaq

Tramp Putinlə avqustun 15-də Alyaskada görüşəcək

Tramp Putinlə görüşünün tarixini və yerini açıqlayıb

Tramp Səudiyyə Ərəbistanında Putinlə görüşmək fikrində deyil