Suriyanın yeni hakimiyyəti dövründə ilk parlament seçkiləri payızda keçirəcək.

"Report"un SANA agentliyinə istinadən məlumatına görə, bunu Xalq Məclisinə Seçkilər üzrə Ali komissiyanın sədri Məhəmməd Taha əl-Əhməd bildirib.

Onun sözlərinə görə, yeni seçkilər 15-20 sentyabr tarixlərində keçiriləcək.

Əsas dəyişikliklər arasında parlament yerlərinin sayının 150-dən 210-a qədər artırılması və 2011-ci il əhali siyahıya alınması əsasında yenidən bölüşdürülməsi var. Bunlardan 70 üzv birbaşa prezident tərəfindən təyin ediləcək.

Əl-Əhməd vurğulayıb ki, cinayətkar hesab edilən qruplara dəstək verən və ya ölkədə məzhəblər və etnik qruplar arasında nifaq salmağa kömək edən namizədlər seçkilərə buraxılmayacaqlar.

Komissiya həmçinin seçkilərin vətəndaş cəmiyyəti və beynəlxalq təşkilatların müşahidəsi altında keçiriləcəyini və seçici siyahıları və seçki nəticələrinə etiraz edilə biləcəyini təmin edib.

Oxşar xəbərlər

Özbəkistanda parlament seçkiləri baş tutmuş hesab edilib

Özbəkistanda parlamentin aşağı palatasına seçkilər keçiriləcək

Mayın 3-də Sinqapurda parlament seçkiləri keçiriləcək

Spiker: Ermənistanda seçkilər bu həftə keçirilərsə, hakim partiya 50 %-dən çox səs toplayacaq