ABŞ Prezidenti Donald Tramp Kambocanın Baş naziri Hun Manet ilə telefon danışığı aparıb.

"Report" xəbər verir ki, bu barədə Amerika lideri "Truth" sosial şəbəkəsindəki hesabında yazıb.

"Kambocanın baş naziri ilə Tailandla müharibəni bitirmək barədə danışdım. İndi mən Tailandın baş nazirinin səlahiyyətlərini icra edən şəxslə atəşkəs və hazırda davam edən müharibəyə son qoyulmasını xahiş edəcəyəm", - Tramp qeyd edib.

"Hər iki tərəflə danışdıqdan sonra tezliklə atəşkəs, sülh və firavanlıq görəcəyik! Təsadüfən, biz hazırda hər iki ölkə ilə ticarət edirik, lakin müharibə vəziyyətində olsalar, onlarla heç bir sövdələşmə etmək istəmirik - və mən bunu onlara dedim! Mən çətin vəziyyəti sadələşdirməyə çalışıram! Bu müharibədə çox insan ölür", - ABŞ Prezidenti fikirlərini yekunlaşdırıb.

Oxşar xəbərlər

Tramp İsrailin Baş naziri ilə telefon danışığı aparıb

Tramp atəşkəs rejiminin pozulmamasını xahiş edib

Tailand və Kamboca liderləri atəşkəsə razı olublar

KİV: Tramp Ukrayna Prezidentini müharibəni dayandırmağa çağırıb

İran və İsrail atəşkəslə bağlı razılığa gəlib