Rusiyanın Ukraynanın Xerson vilayətində pilotsuz uçuş aparatları (PUA) və artilleriyadan istifadə etməklə endirdiyi zərbələr nəticəsində 3 nəfər ölüb, 9 nəfər yaralanıb.

“Report” xəbər verir ki, bu barədə Xerson vilayət prokurorluğunun feysbuk sosial şəbəkəsində yaydığı məlumatda deyilir.

“Xersonda işğalçılar PUA-dan partlayıcı ataraq bir qadını öldürüblər. Romaşkovo kəndində PUA-nın avtomobilə hücumu nəticəsində 2 dinc sakin həlak olub, 2-si isə yaralanıb”, - paylaşımda yazılıb.

Həmçinin Rusiya dronlarının hücumları nəticəsində Zorevka kəndində iki azyaşlı uşaq, Xersonda isə iki yetkin şəxs yaralanıb. Prokurorluğun bildirdiyinə görə, artilleriya atəşi nəticəsində vilayət mərkəzində, İnqulets və Belozerkada daha 3 mülki şəxs yaralanıb.

Bundan başqa, fərdi və çoxmənzilli binalara, qarajlara, nəqliyyat vasitələrinə və biznes obyektlərinə ziyan dəyib.

Oxşar xəbərlər

Rusiyanın Kiyevə hücumu nəticəsində beş nəfər həlak olub

Rusiyanın Mirnoqrada endirdiyi zərbələr nəticəsində 3 nəfər ölüb

Zelenski: Rusiyanın Lvova hücumları nəticəsində 5 nəfər ölüb

ABŞ-nin Sənaya endirdiyi zərbələr nəticəsində 12 nəfər ölüb

Rusiya ordusu Xersonda yaşayış məntəqəsini vurub: ölən və yaralı var