Ukrayna Prezidenti Volodimir Zelenski fransalı həmkarı Emmanuel Makronla telefon danışığında raketlərin tədarükü və Rusiya hücumlarına qarşı mübarizə üçün dron əleyhinə qurğuların maliyyələşdirilməsini müzakirə edib.

“Report” xəbər verir ki, bu barədə Zelenski “X” sosial şəbəkəsindəki hesabında paylaşım edib.

V.Zelenski vurğulayıb ki, danışıqlar cəbhədəki vəziyyət və Ukraynanın müdafiə sahəsində təxirəsalınmaz ehtiyacları, o cümlədən hava hücumundan müdafiə sisteminin gücləndirilməsi kimi məsələləri əhatə edib.

“Mirage” qırıcı təyyarələri üçün pilotların hazırlanması ilə bağlı razılaşmamızı xüsusilə qeyd etmək istərdim", - o deyib.

V.Zelenskinin sözlərinə görə, onlar həmçinin gələcək siyasi addımları əlaqələndiriblər: "Amerikalı tərəfdaşlarımızla birlikdə Rusiyanın real qlobal təzyiq hiss etməsi üçün çalışırıq".

Oxşar xəbərlər

Zelenski və Makron Ukrayna ətrafındakı vəziyyəti müzakirə ediblər

Zelenski və Makron Ukraynada xarici qoşunların yerləşdirilməsini müzakirə ediblər

Zelenski litvalı həmkarı Nauseda ilə Ukraynanın müdafiəsinin gücləndirilməsini müzakirə edib

Zelenski Kit Kelloq ilə görüşüb