ABŞ avqustdan Qazaxıstandan idxala 25 % rüsum tətbiq edəcək

ABŞ avqustun 1-dən Qazaxıstandan idxala 25 % gömrük rüsumu tətbiq etmək qərarına gəlib.

"Sizinxeber.az"un məlumatına görə, bu, ABŞ Prezidenti Donald Trampın "Truth Social"da paylaşdığı, rüsumların tətbiq olunduğu ölkələrə ünvanlanmış məktubların mətnlərində məlum olub.

Bununla yanaşı qeyd olunur ki, əgər rəsmi Astana Vaşinqtona qarşı cavab rüsumları tətbiq etməyi qərara alsa, ABŞ öz tarif dərəcəsini Qazaxıstanın müəyyən etməyi qərara aldığı məbləğ qədər artıracaq.