Ukrayna qanunsuz deportasiya edilən uşaqların siyahısını Rusiyaya təqdim edib

Ukrayna tərəfi bu gün İstanbulda danışıqlar zamanı qanunsuz deportasiya edilən ukraynalı uşaqların siyahısını rəsmi şəkildə Rusiyaya təqdim edib.

Sizinxeber.az “Unn”a istinadən xəbər verir ki, bu barədə Ukrayna Prezident Ofisinin rəhbəri Andrey Yermak “Telegram”da bildirib.

Onun sözlərinə görə, söhbət Rusiyanın qanunsuz olaraq deportasiya etdiyi, zorla köçürdüyü və ya müvəqqəti işğal olunmuş ərazilərdə saxladığı yüzlərlə uşaqdan gedir.

Yermak Rusiyadan cavab gözlədiklərini vurğulayıb.