Xristian Demokrat və Xristian Sosial Birliklərinin mühafizəkar blokundan Almaniya kansleri vəzifəsinə namizəd olan Fridrix Merz bildirib ki, qalib gələrsə iqtisadi və miqrasiya siyasətində əsaslı dəyişikliklər edəcək.

APA xəbər verir ki, bu barədə Merz “Bild am Sonntag” qəzetinə müsahibəsində deyib.

O, Bundestaqda immiqrasiya qanunlarını sərtləşdirməyə dair qanun layihəsinin uğursuzluğuna baxmayaraq, seçkilərə üç həftə qalmış belə bir zəmanət verib:

“Mən Almaniyadakı seçicilərə iqtisadi və sığınacaq siyasətində real dönüş olacağına zəmanət verirəm. Almaniyada siyasəti dəyişdirməliyik”.

Onun sözlərinə görə, digər məsələlərlə yanaşı, yeni dəyişikliklərə Almaniyaya sığınacaq axtaranların gələcək axınının ciddi şəkildə məhdudlaşdırılması və daxili təhlükəsizlik siyasətinin dəyişdirilməsi daxildir.

Oxşar xəbərlər

Bild: Alman müxalifətinin lideri 2025-ci ildə kansler postuna namizəd olmaq istəyir

Almaniya kansleri vəzifəsinə namizəd vətəndaşlıqdan məhrumetmə ehtimalının lehinə danışıb

Bild: Almaniya qanunsuz mühacirlərin ölkədə qalmasına kömək edəcək layihəni maliyyələşdirir

Berlində AfD-yə qarşı təxminən 100 min insan nümayişə çıxıb