“ABŞ-nin yeni seçilən prezidenti Donald Trampla onun andiçməsindən sonra görüşə bilərik”.

APA-nın “unian”a istinadən xəbərinə görə, bunu Ukrayna prezidenti Vladimir Zelenski telekanallardan birinin efirindəki marafon zamanı deyib.

Bununla belə o, Trampın əsas prioritetinin ölkədaxili məsələlər olacağını da diqqətə çatdırıb:

“Trampın beynəlxalq gündəmini isə Ukrayna və Yaxın Şərq məsələləri təşkil edəcək. O eyni zamanda Sakit okean regionu, habelə Çin və Koreya ətrafında baş verənlərə diqqəti yönəldəcək. O, telefon söhbətimiz zamanı mənə demişdi ki, vəzifəsinin icrasında başladıqdan sonra mənim Vaşinqtona səfər etməyimi istəyir. Tramp, həmçinin müharibənin sona çatdırılmasını özünün prioriteti elan edib. Bu səbəbdən hesab edirəm ki, onun andiçmə mərasimindən sonra bizim aramızda görüş olacaq. Mən onu da istəyirəm ki, ABŞ-nin yeni prezidentinin ölkəmizdəki münaqişənin həllinə dair planı bizim mövqeyimizə uyğun olsun. Bizim növbəti addımlarımız bundan asılı olacaq”.

Oxşar xəbərlər

Ukrayna Zelenski-Tramp görüşü üçün hazırlıqlar görür

Zelenski Fransaya səfər edib, Trampla görüş keçirə bilər

Zelenski Kulebanın istefasına aydınlıq gətirib

Volodimir Zelenski və Donald Tramp arasında görüş keçirilib - YENİLƏNİB