KİV: Ukraynaya NATO nizamnaməsinin 5-ci müddəasına bənzər təhlükəsizlik zəmanəti təklif olunub

Ukraynaya NATO ölkələrinin sahib olduğuna bənzər təhlükəsizlik zəmanəti təklif edilib.

Sizinxeber.az xəbər verir ki, bununla bağlı anonim mənbələr “AFP”yə məlumat verib.

Məlumata görə, təklif ABŞ prezidenti Donald Tramp, Ukrayna lideri Volodimir Zelenski və Avropa dövlət başçılarının birgə onlayn söhbətində edilib.

Belə ki, Rusiya prezidenti Vladimir Putinin razılıq verdiyi və NATO nizamnaməsinin 5-ci müddəasına bənzər bir zəmanət Ukraynaya təklif edilib.

Qeyd edək ki, NATO nizamnaməsinin 5-ci maddəsinə əsasən, bloka üzv olan ölkələrdən birini qarşı hücum baş versə, bütün üzvlər hücuma məruz qalmış ölkənin hərbi müdafiəsinə qalxmalıdır.