İran ABŞ danışıqlarının beşinci raundu başa çatıb.

APA xəbər verir ki, bu barədə Oman xarici işlər naziri Bədr Əlbusaidi bildirib.

"İran ABŞ danışıqlarının beşinci raundu bu gün Romada bəzi, lakin qəti olmayan irəliləyişlə başa çatıb. Ümid edirik ki, yaxın günlərdə qalan məsələlərə aydınlıq gətirək, davamlı və şərəfli razılığın əldə olunması kimi ümumi məqsədə doğru irəliləməyə imkan verək", - nazir qeyd edib.

15:49

İran və ABŞ arasında dolayı danışıqların beşinci raundu başlayıb.

APA xəbər verir ki, bu barədə Reuters məlumat yayıb.

Danışıqlar Omanın Romadakı səfirliyində keçirilir.

Qeyd edək ki, İran-ABŞ danışıqlarının əvvəlki raundları İtaliya və Omanda keçirilib.

Danışıqlara İran tərəfdən xarici işlər naziri Abbas Araqçi, ABŞ-dan isə Prezidentin xüsusi nümayəndəsi Stiv Uitkoff rəhbərlik edir.

İran-ABŞ danışıqlarının 4-cü raundundan sonra Stiv Uitkoff bildirib ki, ABŞ İranda uranın bir faiz belə zənginləşdirilməsini qəbul etməyəcək. İran XİN rəhbəri Abbas Araqçi buna cavab olaraq bildirib ki, razılıq əldə olunub-olunmasa da, uranın zənginləşdirilməsinə dəfələrlə qadağa qoyulmasına baxmayaraq, Tehran bu prosesi davam etdirəcək.

Oxşar xəbərlər

İran-ABŞ danışıqlarının beşinci raundu başlayıb

İran ABŞ-la danışıqların növbəti mərhələsi üçün təklif aldığını bildirib

İran XİN: ABŞ-la danışıqların II raundu konstruktiv və perspektivli olub

ABŞ-İran danışıqlarının növbəti raundu Avropada keçiriləcək

Omanda ABŞ-İran danışıqlarının üçüncü raundu başa çatıb