“Yaponiya ilə ABŞ arasındakı geniş iqtisadi və hərbi əlaqələrə baxmayaraq, hərbi sahəyə xərcləri əhəmiyyətli dərəcədə artıracağıq. 2027-ci ildə bu göstəricinin ümumi daxili məhsulun (ÜDM) 2 faizini təşkil edəcəyi planlaşdırılır”.

APA-nın “Reuters”ə istinadən xəbərinə görə, bunu Yaponiyanın xarici işlər naziri Takeşi İvaya deyib.

O həmçinin ABŞ-nin yeni seçilmiş prezidenti Donald Trampın andiçmə mərasimində iştirakı zamanı onunla görüş ehtimalının olduğunu və bu zaman ölkələr arasında iqtisadi və hərbi sahədə əməkdaşlığın genişləndirilməsini müzakirə edəcəyini açıqlayıb.

Bu səfər reallaşsa, T. İvaya yeni prezidentlə məhz andiçmədən sonra görüşəcək ilk Yaponiya rəsmisi olacaq.

T. İvayanın həmçinin D. Tramp tərəfindən namizədliyi dövlət katibi postuna irəli sürülən Mark Rubio ilə də müzakirə aparacağı planlaşdırılır.

Oxşar xəbərlər

Yaponiyanın XİN başçısı Donald Trampın andiçmə mərasimində iştirak edəcək

Trampın andiçməsində Yaponiyanı xarici işlər naziri təmsil edəcək

Zelenski: Trampla andiçmədən sonra görüşə bilərik

KİV: Tramp inaqurasiyadan əvvəl xarici liderlərlə görüşməyəcək

NATO ölkələri hərbi xərcləri artıracaq